امت نیوز ڈیسک //
سری نگر: جموں و کشمیر کے لیفٹیننٹ گورنر منوج سنہا آج یوم عاشورہ (محرم کے 10ویں اور اختتامی دن) کے موقع پر نکالے جانے والے ماتمی جلوس میں شرکت کی، جلوس میں امام حسین (ع) کی شہادت کی یاد منانے والے ہزاروں سوگواروں (عزاداروں) شامل ہوئے۔
ہر سال کی طرح اس سال بھی یوم عاشورہ پر سرینگر کے ڈاون ٹاؤن علاقہ میں ایک بڑا ماتمی جلوس نکالا گیا، شہدائے کربلا سے اظہار یکجہتی کے لیے سیاہ لباس پہنے عزادار ماتم کررہے تھے۔ سنہا جلوس میں شامل ہوئے اور بوٹا کدل میں کڑھائی والے، روایتی کپڑے (چادر) کے ساتھ زُلجینا باندھا۔ ایل جی سنہا نے اس موقع پر عزاداروں کو پانی بھی پلایا۔
سری نگر میں ماتمی جلوس بوٹا کدل سے نکالا گیا جو شہر کے ڈاون ٹاون علاقہ میں واقع امام باڑہ زادبل پر اختتام پذیر ہوا۔ جلوس کے راستہ پر رضاکاروں کی جانب سے پانی اور شربت کے اسٹالس لگائے اور ماتمی جلوسوں میں شامل لوگوں میں تقسیم کیے۔ کسی بھی ناخوشگوار واقعے کو روکنے کے لیے جلوس کے راستے پر سیکیورٹی اہلکار تعینات ہیں۔ انسپکٹر جنرل آف پولیس، کشمیر، ودھی کمار بھیرڈی نے کہا کہ پولیس نے سری نگر میں محرم کے جلوسوں کے لیے وسیع انتظامات کیے ہیں اور دوسرے اضلاع سے آنے والے لوگوں کی بغیر کسی پریشانی کے نقل و حرکت کے لیے بھی انتظامات کیے گئے ہیں۔
واضح رہے کہ جموں و کشمیر بھر میں چھوٹے بڑے شہروں اور قصبوں میں یوم عاشورہ کے موقع پر تعزیتی مجالس اور جلوس کا اہتمام کیا گیا۔ اس دوران حضرت امام حسینؓ کی قربانیوں کا ذکر کیا گیا اور شہدائے کربلا کی عظمت کو اجاگر کیا۔ اس دن کی مناسبت سے خصوصی مجالس اور دینی محافل منعقد کی گئیں، جن میں علمائے کرام امام حسینؓ کے پیغامِ حریت اور ان کی قربانیوں کی اہمیت پر روشنی ڈایں۔ یوم عاشورہ کی مناسبت سے مرکز کے زیرانتظام علاقہ میں سیکیورٹی کے سخت انتظامات کیے گئے۔
