امت نیوز ڈیسک //
سرینگر، 15 ستمبر: کشمیر ویلی فروٹ گروورس کم ڈیلرز یونین کے صدر بشیر احمد بشیر نے پیر کو کہا کہ لیفٹیننٹ گورنر منوج سنہا نے انہیں یقین دہانی کرائی ہے کہ سری نگر۔جموں نیشنل ہائی وے اور مغل روڈ پر تمام فروٹ سے لدے گاڑیوں کو ترجیحی بنیادوں پر نکالا جائے گا۔
بشیر احمد، جنہوں نے راج بھون میں ایل جی منوج سنہا سے ملاقات کی، کہا کہ انہوں نے ہائی وے کی بحالی اور متاثرہ کاشتکاروں کو معاوضے کا معاملہ ایل جی کے سامنے رکھا۔ انہوں نے کہا کہ ایل جی نے ان کے مطالبات کو بغور سنا اور یقین دہانی کرائی کہ فروٹ سے لدے ٹرکوں کو ترجیحی بنیادوں پر گزارا جائے گا۔
انہوں نے مزید کہا، "ایل جی نے یہ بھی یقین دلایا کہ کل تک نیشنل ہائی وے مکمل طور پر بحال ہو جائے گا۔ ساتھ ہی انہوں نے کہا کہ ہائی وے کی بندش کے سبب متاثرہ کاشتکاروں کو معاوضہ دینے پر بھی غور کیا جائے گا۔” ـــ (کے این او)
