امت نیوز ڈیسک //
سرینگر: جسٹس اینڈ ڈیولپمنٹ فرنٹ نے عوامی اتحاد برائے تبدیلی (PAC) سے علیحدگی کا اعلان کیا ہے۔
جاری کردہ ایک باضابطہ بیان میں، جے ڈی ایف کے جنرل سیکرٹری سیار احمد ریشی نے پی اے سی کے طریقۂ کار میں اختلافات کو علیحدگی کی بنیادی وجہ قرار دیا۔
بیان میں کہا گیا: “اتحاد کے فریم ورک کے اندر، جے ڈی ایف نے ہمیشہ اختلافی رائے رکھنے اور اسے جمہوری انداز میں ظاہر کرنے کے اپنے حق کا استعمال کیا۔
غور و فکر کے بعد ہمیں یقین ہے کہ آزادانہ طور پر اپنا راستہ اختیار کرنا ہمارے نظریے، اقدار اور اصولوں کے زیادہ قریب ہے۔”
جے ڈی ایف نے اپنے سابق اتحادیوں، خیرخواہوں اور جموں و کشمیر کے عوام کا اعتماد اور حمایت پر شکریہ ادا کیا۔ پارٹی نے اس عزم کا اعادہ کیا کہ وہ آئندہ بھی جمہوری اقدار، شفافیت، جوابدہی اور عوامی خدمت کے جذبے کے ساتھ آزادانہ طور پر کام جاری رکھے گی۔
ذرائع کے مطابق، جے ڈی ایف نے اپنے اتحادیوں سے وعدہ کیا تھا کہ وہ بڈگام کے ضمنی انتخابات میں اپنا امیدوار کھڑا کرے گی، تاہم بعد میں پارٹی نے اپنے اس وعدے سے “پسپائی” اختیار کر لی، جس سے اتحاد میں شامل دیگر جماعتیں ناراض ہو گئیں۔ (کے این او)
