امت نیوز ڈیسک ///
سرینگر، 24 اکتوبر : جموں و کشمیر میں راجیہ سبھا انتخابات کے دوران اب تک 50 ارکانِ اسمبلی نے اپنے ووٹ ڈالے ہیں۔
سرکاری ذرائع نے کشمیر نیوز آبزرور کو بتایا کہ صبح 10 بج کر 30 منٹ تک کل 50 ایم ایل ایز نے ووٹنگ میں حصہ لیا۔
ان میں 20 ارکان بی جے پی کے، 28 نیشنل کانفرنس کے، جبکہ ایک ایک رکن پی ڈی پی اور کانگریس کے شامل ہیں۔
وزیراعلیٰ عمر عبداللہ پہلے رکن اسمبلی تھے جنہوں نے اپنا ووٹ ڈالا۔
ووٹنگ صبح 9 بجے شروع ہوئی اور ایم ایل ایز اسمبلی کمپلیکس میں قائم تین پولنگ بوتھوں پر ووٹ ڈالنے پہنچے۔
ووٹنگ کا عمل شام 4 بجے تک جاری رہے گا، جب کہ گنتی شام 5 بجے شروع ہوگی۔
ذرائع کے مطابق نیشنل کانفرنس با آسانی تین نشستیں جیتنے کی پوزیشن میں ہے، تاہم چوتھی نشست پر دلچسپ مقابلہ متوقع ہے جہاں این سی اور بی جے پی دونوں کے پاس 28-28 ووٹ ہیں۔
اگر سیاسی جماعتوں یا آزاد ارکان کی طرف سے کراس ووٹنگ نہ ہوئی تو بی جے پی کے لیے چوتھی نشست جیتنا تقریباً ناممکن ہے۔(کے این او )
