امت نیوز ڈیسک //
سرینگر، 25 نومبر (کے این ٹی): شیرِ کشمیر انسٹی ٹیوٹ آف میڈیکل سائنسز نے ایک اہم حکم نامہ جاری کرتے ہوئے ڈاکٹر فیاض احمد بھٹ، اسسٹنٹ پروفیسر محکمہ جنرل میڈیسن، کو لیفٹیننٹ گورنر، چیف منسٹر اور چیف سیکریٹری کے دفاتر سے ریفر ہونے والے مریضوں کی رہنمائی اور ان کے ہموار اور بغیر کسی دقت علاج کو یقینی بنانے کی ذمہ داری سونپی ہے۔
یہ حکم جولائی میں جاری کیے گئے سابقہ حکم نامے کا تسلسل ہے۔ اس کے مطابق ڈاکٹر قاضی مدثر جاوید، ویٹرنری اسسٹنٹ سرجن (اسکل ڈیولپمنٹ سینٹر و ویٹرنری لیبارٹری، ایس کے آئی ایم ایس)، اس سلسلے میں ڈاکٹر بھٹ کی معاونت کریں گے۔
حکم نامے کی نقل متعلقہ فیکلٹی ممبران، انتظامی شعبوں اور مختلف ڈپارٹمنٹ کے سربراہان کو عمل درآمد کے لیے ارسال کی گئی ہے۔(کے این ٹی)
