امت نیوز ڈیسک //
جموں و کشمیر پیپلز ڈیموکریٹک پارٹی (پی ڈی پی) نے قاضی مبشر کو ضلع گاندربل کا نیا یوتھ صدر مقرر کیا ہے۔ پارٹی قیادت کے مطابق یہ تقرری قاضی مبشر کی لگن، عوامی رابطے اور پارٹی سرگرمیوں میں فعال کردار کو مدنظر رکھتے ہوئے عمل میں لائی گئی ہے۔
پی ڈی پی قیادت کا کہنا ہے کہ نوجوان قیادت کو مضبوط کرنا پارٹی کے وژن کا اہم حصہ ہے، اور قاضی مبشر کی نامزدگی سے گاندربل میں تنظیمی ڈھانچے کو مزید تقویت ملے گی۔
اپنی تقرری پر ردعمل ظاہر کرتے ہوئے قاضی مبشر نے پارٹی قیادت کا شکریہ ادا کیا اور کہا کہ وہ نوجوانوں کی فلاح و بہبود اور پارٹی کے وژن کو آگے بڑھانے کے لیے پوری محنت، اخلاص اور جذبے کے ساتھ کام کریں گے۔
انہوں نے مزید کہا، "میں اپنے عوام کی خدمت اور مفتی صاحب کی رہنمائی میں قائم کردہ اصولوں اور پارٹی کے ویژن کو برقرار رکھنے کے لیے انتھک محنت کروں گا۔ پارٹی قیادت نے مجھ پر جو اعتماد ظاہر کیا ہے، اس کے لیے میں تہہ دل سے شکر گزار ہوں۔”
