امت نیوز ڈیسک //
جموں، 4 فروری:مرکزی وزیر داخلہ امت شاہ آج جمعرات کو تین روزہ دورے پر جموں و کشمیر پہنچ رہے ہیں۔ ان کا یہ دورہ ایسے وقت میں ہو رہا ہے جب جموں خطے کے مختلف اضلاع میں انسدادِ ملی ٹنسی کارروائیاں تیز ہیں۔
ذرائع کے مطابق، وزیر داخلہ 5 فروری کی شام تقریباً 5 بجے جموں پہنچیں گے اور سیدھا لوک بھون روانہ ہوں گے، جہاں وہ اعلیٰ سطحی سیکورٹی جائزہ اجلاس کی صدارت کریں گے۔ اس دوران ان کی سیاسی رہنماؤں سے ملاقات کا بھی امکان ہے۔
6 فروری کو امت شاہ ہیرانگر بارڈر کا دورہ کریں گے، جہاں وہ بارڈر سیکورٹی فورسز کی جانب سے دراندازی کے بڑھتے ہوئے خطرات سے نمٹنے کی تیاریوں کا جائزہ لیں گے۔ اس کے بعد جموں میں ایک اور اعلیٰ سطحی سیکورٹی میٹنگ منعقد کی جائے گی۔
7 فروری کو وزیر داخلہ سری نگر روانہ ہوں گے، جہاں وہ سیکورٹی اور ترقیاتی امور سے متعلق اجلاس کی صدارت کریں گے اور ترقیاتی منصوبوں کے آغاز کی تقریب میں شرکت کریں گے، جس کے بعد وہ نئی دہلی واپس لوٹیں گے.۔
وزیر داخلہ کے دورے کے پیش نظر پورے جموں و کشمیر میں سخت سیکورٹی انتظامات کیے گئے ہیں۔
