امت نیوز ڈیسک //
ایک مرتبہ پھر بھارت کے ہاتھوں پاکستان کو ایک اور شکست کا سامنا کرنا پڑا ہے۔ ٹی ٹوئنٹی ورلڈ کپ 2026 کا 27 واں میچ اتوار کو پاکستان اور بھارت کے درمیان کولمبو میں کھیلا گیا۔ ٹیم انڈیا نے اپنی شاندار بلے بازی اور گیند بازی کا مظاہرہ جاری رکھتے ہوئے روایتی حریف کو 61 رنز سےشکست دے دی۔پاکستان نے ٹاس جیت کر پہلے گیند بازی کا فیصلہ کیا۔
پہلے بازی کرنے اتری ٹیم انڈیا کی شروعات اچھی نہیں رہی اور پہلے ہی اوور میں صرف ایک رن کے اسکور پر ابھیشیک شرما سلمان علی آغا کا شکار بن گئے۔ اس کے بعد ایشان کشن نے ایک چیلنجنگ سطح پر 40 گیندوں پر اعلیٰ معیار کے 77 رنز بنا کر پاکستان کے خلاف اپنے ٹی ٹوئنٹی ورلڈ کپ کے میچ میں ہندوستان کو سات وکٹوں پر 175 تک پہنچا دیا۔کشن نے ابھیشیک شرما کے آؤٹ ہونے کے باوجود میچ کو اپنے قابو میں رکھا اور میدان کے چارو جانب شاٹس کھیل کر پاکستان کو مقابلے سے باہر رکھا۔حالانکہ دیگر ہندوستانی بلے بازوں کو پاکستانی اسپنرز کے خلاف باؤنڈری حاصل کرنا مشکل محسوس ہوا۔
ٹیم انڈیا کے کپتان سوریہ کمار یادو نے 27 گیندوں پر 32 رنز بنائے۔
پاکستان کے باؤلرز میں صائم ایوب نمایاں رہے جنہوں نے چار اوورز میں 25 رنز دے کر تین وکٹیں حاصل کیں۔
176 رنز کے ہدف کا پیچھا کرنے اتری پاکستانی ٹیم کی شروعات کچھ خاص نہیں رہی۔ شروعات سے پاکستان کی وکٹوں کے گرنے کا سلسلہ جاری رہا۔ حالانکہ عثمان خان نے 44 رنز بنا کر پاکستان کو دوبارہ مقابلے میں واپس لانے کی پوری کوشش کی تاہم اکشر پٹیل کی ایک گیند کو وہ سمجھ نہیں پائے اور ایشان کشن نے انھیں آسانی سے اسٹیمپنگ کردیا۔ پاکستان کی جانب سے دوسرا کوئی بھی کھلاڑی بڑی پاری کھیلنے میں ناکام رہا۔ پاکستان کی ٹیم پورے 20 اوورز بھی کھیل نہیں پائی اور 18 اورز میں 114 کے اسکور پر آل آؤٹ ہو گئی۔
