امت نیوز ڈیسک //
سرینگر، 15 مارچ: شمالی کشمیر کے ضلع بارہمولہ کے اوڑی سیکٹر میں لائن آف کنٹرول (ایل او سی) کے قریب سیکیورٹی فورسز نے دراندازی کی ایک کوشش ناکام بناتے ہوئے ایک درانداز کو مارا گیا۔
حکام کے مطابق جموں و کشمیر پولیس کی جانب سے موصول ہونے والی خفیہ اطلاع کی بنیاد پر 14 اور 15 مارچ کی درمیانی شب اوڑی کے علاقے بچھڑ میں مشترکہ آپریشن شروع کیا گیا۔
ذرائع کے مطابق سیکیورٹی فورسز نے علاقے میں مشتبہ نقل و حرکت دیکھی جس کے بعد فورسز نے گھات لگا کر عسکریت پسند کو للکارا۔ اس دوران عسکریت پسند نے اندھا دھند فائرنگ شروع کر دی۔
فورسز کی جوابی کارروائی میں ایک عسکریت پسند ہلاک ہو گیا۔ جائے وقوعہ سے اسلحہ اور گولہ بارود بھی برآمد کیا گیا جس میں اے کے سیریز رائفل، پستول اور بڑی مقدار میں کارتوس شامل ہیں۔
ادھر بھارتی فوج کی چنار کور نے سوشل میڈیا پلیٹ فارم ایکس پر بتایا کہ “آپریشن ڈِگی 2” علاقے میں جاری ہے اور دراندازی کی کوشش کو ناکام بنا دیا گیا ہے۔
