آج کا معاشرہ ایک عجیب تضاد کا شکار ہے ایک طرف منشیات پر سخت پابندیاں عائد کی جاتی ہیں ان کے خلاف مہمات چلائی جاتی ہیں اور انہیں معاشرے کے لیے خطرہ قرار دیا جاتا ہے. دوسری طرف شراب جو خود بھی ایک نشہ ہے کھلے عام فروخت ہوتی ہے اور اسے سماجی تقریبات کا حصہ بنا دیا گیا ہے یہ دوہرا معیار نہ صرف قانون میں نظر آتا ہے بلکہ ہماری سوچ اور رویوں میں بھی واضح جھلکتا ہے. نشہ چاہے کسی بھی شکل میں ہو اس کا بنیادی اثر ایک جیسا ہی ہوتا ہے یہ انسان کے دماغ جسم اور فیصلے کی صلاحیت کو متاثر کرتا ہے شراب اور دیگر منشیات دونوں انسان کو حقیقت سے دور لے جاتی ہیں اور اسے وقتی سکون کا احساس دلاتی ہیں لیکن اس کا انجام اکثر تباہی کی صورت میں نکلتا ہے اس کے باوجود ہم شراب کو ایک “قابلِ قبول” نشہ سمجھتے ہیں جبکہ دیگر منشیات کو مکمل طور پر مسترد کر دیتے ہیں.
یہ سوال انتہائی اہم ہے کہ جب دونوں ہی چیزیں نقصان دہ ہیں تو ایک کو قبول اور دوسری کو رد کیوں کیا جاتا ہے اس کی ایک بڑی وجہ معاشی مفادات ہیں. شراب کی فروخت سے حکومتوں کو بھاری آمدنی حاصل ہوتی ہے اس لیے اسے قانونی حیثیت دی جاتی ہے جبکہ منشیات چونکہ غیر قانونی ذرائع سے حاصل ہوتی ہیں اس لیے ان پر سخت پابندی لگائی جاتی ہے یہاں یہ بات قابلِ غور ہے کہ کیا انسانی صحت اور زندگی سے زیادہ اہم معاشی فائدہ ہے نوجوان نسل اس تضاد سے سب سے زیادہ متاثر ہوتی ہے. جب وہ دیکھتے ہیں کہ شراب کو ایک عام اور قابلِ قبول عمل سمجھا جا رہا ہے تو ان کے ذہن میں اس کے بارے میں غلط تاثر پیدا ہوتا ہے وہ اسے نقصان دہ نہیں سمجھتے اور آہستہ آہستہ اس کی طرف مائل ہو جاتے ہیں دوسری طرف انہیں منشیات سے سختی سے روکا جاتا ہے جس سے ان کے ذہن میں الجھن پیدا ہوتی ہے. یہی الجھن بعض اوقات انہیں غلط راستوں کی طرف لے جاتی ہے.
میڈیا بھی اس مسئلے کو بڑھانے میں اہم کردار ادا کرتا ہے فلموں اور ڈراموں میں شراب کو اکثر خوشی کامیابی اور جدید طرزِ زندگی کی علامت کے طور پر پیش کیا جاتا ہے. اس کے برعکس منشیات کو صرف برائی کے طور پر دکھایا جاتا ہے اس طرح ایک غیر متوازن تصویر سامنے آتی ہے جو حقیقت کی عکاسی نہیں کرتی معاشرتی سطح پر بھی ہم اس دوہرے معیار کا مظاہرہ کرتے ہیں شراب پینے والے کو اکثر برا نہیں سمجھا جاتا بلکہ بعض اوقات اسے ایک جدید اور کھلے ذہن کا انسان تصور کیا جاتا ہے جبکہ منشیات استعمال کرنے والے کو مجرم اور معاشرے کے لیے خطرہ سمجھا جاتا ہے حالانکہ دونوں ہی صورتوں میں نقصان ایک جیسا ہوتا ہے.
اس مسئلے کا حل صرف قوانین بنانے سے ممکن نہیں بلکہ اس کے لیے ہماری سوچ میں تبدیلی ضروری ہے ہمیں یہ تسلیم کرنا ہوگا کہ ہر قسم کا نشہ نقصان دہ ہے اور اسے کسی بھی صورت میں فروغ نہیں دینا چاہیے. نوجوانوں کو شعور دینا انہیں صحیح اور غلط میں فرق سمجھانا اور ایک صحت مند ماحول فراہم کرنا وقت کی اہم ضرورت ہے.
میڈیا کو بھی چاہیے کہ وہ اپنی ذمہ داری کا احساس کرے اور نشے کو خوبصورت بنا کر پیش کرنے کے بجائے اس کے نقصانات کو اجاگر کرے اسی طرح والدین کو بھی اپنے بچوں کی تربیت پر خصوصی توجہ دینی چاہیے تاکہ وہ کسی بھی قسم کے نشے سے دور رہ سکیں.
آخر میں یہ کہا جا سکتا ہے کہ شراب اور منشیات کے درمیان فرق صرف نام کا ہے اثر کا نہیں جب تک ہم اس حقیقت کو تسلیم نہیں کریں گے تب تک ہم ایک صحت مند اور متوازن معاشرہ قائم نہیں کر سکیں گے. ہمیں اپنے رویوں اور سوچ کو بدلنا ہوگا تاکہ آنے والی نسلوں کو ایک بہتر اور محفوظ مستقبل دیا جا سکے.
