امت نیوز ڈیسک //
بانڈی پورہ: شمالی کشمیر کے حاجن علاقے میں ایک افسوسناک واقعہ پیش آیا جہاں خیمے دھونے کے دوران تین افراد دریائے جہلم میں گر کر بہہ گئے۔
اطلاعات کے مطابق ایک شخص دریا کنارے خیمے دھوتے وقت اچانک پھسل کر دریائے جہلم میں جا گرا۔ اسے بچانے کی کوشش میں دیگر دو افراد بھی دریا میں کود پڑے، تاہم تیز بہاؤ کے باعث تینوں پانی میں بہہ گئے۔
واقعے کے فوراً بعد مقامی لوگوں اور ریسکیو ٹیموں نے بچاؤ کارروائی شروع کی۔ بعد ازاں دو افراد کو دریا سے نکال لیا گیا، تاہم ڈاکٹروں نے انہیں مردہ قرار دیا، جبکہ تیسرے لاپتہ شخص کی تلاش جاری ہے۔
پولیس اور مقامی رضاکار علاقے میں سرچ آپریشن میں مصروف ہیں۔
