امت نیوز ڈیسک //
سری نگر، 15 مئی: بھاجپا یونٹ کشمیر نے جمعہ کے روز سری نگر میں کشمیر میں شراب کی دکانوں کے خلاف احتجاجی مظاہرہ کیا اور وادی میں شراب کی فروخت پر مکمل پابندی کا مطالبہ کیا۔
احتجاجی مارچ رام منشی باغ سونہ وار سے شروع ہوا اور گپکار روڈ کی جانب بڑھا، جہاں عمر عبداللہ کی رہائش گاہ واقع ہے۔
مظاہرین نے شراب فروشی کے خلاف نعرے بازی کی اور الزام عائد کیا کہ این سی حکومت وادی میں شراب کلچر کو فروغ دے رہی ہے۔
پارٹی کے ریاستی شریک میڈیا انچارج ایڈووکیٹ ساجد یوسف شاہ نے کہا کہ بی جے پی کشمیر میں فوری طور شراب فروشی پر پابندی چاہتی ہے کیونکہ یہ معاملہ وادی کی سماجی اور مذہبی اقدار سے جڑا ہوا ہے۔
