امت نیوز ڈیسک //
سری نگر، 22 جون: سری نگر کے رعناواری علاقے میں ایک 35 سالہ شخص گھر میں کرنٹ لگنے کے باعث جاں بحق ہوگیا۔
متوفی کی شناخت آصف احمد میر ولد فیاض احمد میر ساکن رعناواری کے طور پر ہوئی ہے۔ اہل خانہ کے مطابق آصف احمد میر کو گھر میں اچانک بجلی کا شدید جھٹکا لگا، جس کے بعد انہیں تشویشناک حالت میں فوری طور پر ایس ایم ایچ ایس اسپتال سری نگر منتقل کیا گیا۔
اسپتال ذرائع کے مطابق ڈاکٹروں نے انہیں بچانے کی بھرپور کوشش کی، تاہم وہ زخموں کی تاب نہ لاتے ہوئے دم توڑ گئے۔
پولیس نے واقعے کا نوٹس لیتے ہوئے ضروری کارروائی شروع کر دی ہے جبکہ حادثے کی وجوہات جاننے کے لیے تحقیقات جاری ہیں۔
