امت نیوز ڈیسک//
اننت ناگ، 22 جولائی: جنوبی کشمیر کے ضلع اننت ناگ کے لال چوک علاقے میں بدھ کے روز پیش آئے ایک فائرنگ کے واقعے میں ایک پولیس کانسٹیبل جاں بحق ہوگیا۔
سرکاری ذرائع کے مطابق فائرنگ کے بعد زخمی پولیس اہلکار کو فوری طور پر قریبی اسپتال منتقل کیا گیا، تاہم اسپتال انتظامیہ نے تصدیق کی کہ وہ اسپتال پہنچنے سے قبل ہی دم توڑ چکا تھا۔
جاں بحق پولیس کانسٹیبل کی شناخت عاشق حسین کے طور پر ہوئی ہے۔
فائرنگ کن حالات میں پیش آئی، اس بارے میں فوری طور پر کوئی سرکاری تفصیل سامنے نہیں آئی ہے۔ پولیس نے واقعے کی تحقیقات شروع کر دی ہیں۔
