امت نیوز ڈیسک //
راجوری، 26 جولائی: راجوری ضلع کے بھاٹیاں گاؤں میں ہفتہ کے روز موسلا دھار بارش کے دوران ایک رہائشی مکان منہدم ہونے سے ایک خاتون جاں بحق جبکہ دو افراد زخمی ہو گئے۔
حکام کے مطابق شدید بارش کے باعث مکان اچانک گر گیا، جس کے نتیجے میں شاہدہ پروین زوجہ عبدالرحمان موقع پر ہی جان کی بازی ہار گئیں، جبکہ خاندان کے دو دیگر افراد زخمی ہوئے۔
زخمیوں کو فوری طور پر علاج کے لیے گورنمنٹ میڈیکل کالج (جی ایم سی) راجوری منتقل کیا گیا، جہاں ان کا علاج جاری ہے۔
پولیس نے واقعے کا نوٹس لیتے ہوئے مزید تحقیقات شروع کر دی ہیں۔
