امرناتھ یاترا آج بھی معطل رہے گی

سری نگر// حکام نے بدھ کو اعلان کیا کہ دونوں راستوں پر خراب موسم کی وجہ سے امرناتھ یاترا آج بھی دن بھر کے لیے معطل رہے گی۔
حکام نے بتایا کہ بالتل اور پہلگام دونوں راستوں پر خراب موسم کی وجہ سے آج یاتریوں کو کسی بھی طرف سے گپھا کی طرف جانے کی اجازت نہیں ہوگی، عہدیداروں نے مزید کہا کہ یاتریوں کو جموں سے وادی کی طرف آنے کی اجازت بھی نہیں ہو گی۔
انہوں نے مزید کہا کہ موسمی صورتحال کا جائزہ بعد میں لیا جائے گا۔
تفصیلات کے مطابق 30جون سے شروع امرناتھ یاترا کے دوران اب تک 65ہزار سے زیادہ یاتری بابا برفانی کے درشن کر چکے ہیں۔سطح سمندر سے 3ہزار 888 میٹر بلندی پر واقع گپھا کی یاترا 11 اگست کو رکھشا بندھن کے تہوار کے موقع پر شراون پورنیما کے موقع پر اختتام پذیر ہوگی۔