امت نیوز ڈیسک//
شوپیان: جنوبی کشمیر کے شوپیان ضلع کے باسکچھن امام صاحب علاقے میں عسکریت پسندوں اور سکیورٹی فورسز کے درمیان جاری تصادم میں ایک عسکریت پسند کے ہلاک ہونے کی اطلاع ہے۔ علاقے ذرائع کے مطابق سکیورٹی فورسز کے اہلکاروں نے مشترکہ طور پر علاقے میں عسکریت پسندوں کی موجودگی کی اطلاع موصول ہونے کے بعد علاقے کو محاصرے میں لے کر تلاشی مہم شروع کردی۔ اس دوران عسکریت پسندوں نے سکیورٹی فورسز کے اہلکاروں پر فائرنگ شروع کردی۔
سکیورٹی فورسز نے ابھی اپنی پوزیشن سنبھالتے ہوئے جوابی کارروائی کی۔ فائرنگ کے سبب علاقے میں خوف کا ماحول ہے۔ لوگ خاموشی کے ساتھ گھروں میں بند ہیں۔ فی الحال دونوں جانب سے فائرنگ جاری ہے۔ ذرائع کا کہنا ہے کہ انہیں علاقے میں عسکریت پسندوں کی موجودگی کی اطلاع موصول ہوئی جس کے بعد تلاشی آپریشن شروع کیا ہے۔
