امت نیوز ڈیسک //
سرینگر:جموں کشمیر یونین ٹریٹری کے لیفٹیننٹ گورنر منوج سنہا نے کہا کہ مغربی دنیا بالخصوص امریکی میڈیا بھارت کے خلاف جموں کشمیر پر پروپیگنڈا پھیلا رہا ہے تاکہ وہ اپنی خراب چھبی کو دنیا سے چھپا سکے۔
سرینگر میں محکمہ اطلاعات کی ایک تقریب کے دوران خطاب کرتے ہوئے منوج سنہا نے کہا کہ بھارت کا آئین پریس کو آزادی دے رہا ہے لیکن ملک کے سالمیت کو زک نہ پہنچانے کے لیے کچھ حدود رکھے ہیں۔انہوں نے کہا کہ بھارت کا میڈیا امریکہ سے بہت زیادہ آزاد ہے اور یہاں صحافیوں کو رپورٹ کرنے کی بھی آزادی ہے۔امریکہ میں بھارت سے کئی گناہ زیادہ صحافیوں پر مقدم درج یا جیلوں میں رکھا گیا ہے۔
امریکی میڈیا کشمیر کے متعلق بھارت کے خلاف پروپیگنڈا چلا رہا ہے، منوج سنہامنوج سنہا نے کہا کہ جموں کشمیر میں 428 اخبار شائع ہوتے ہیں جبکہ پنجاب میں 315 اخبار چھپتے ہیں اگرچہ جموں کشمیر ریاست پنجاب کے مقابلے میں چھوٹی ہے۔منوج سنہا نے کہا کہ میڈیا پر ذمہ داری ہے کہ وہ ملک کی سالمیت کے خلاف جعلی بیان کے خلاف حقیقت پر مبنی چھاپے۔
قابل ذکر ہے کہ امریکہ میڈیا میں دفعہ 370 کی منسوخی کے بعد کشمیر کی صورتحال اور پریس فریڈم کے متعلق متعدد خبریں اور تجزئے شائع کیے جا چکے ہیں جن سے بھارت میں پریس فریڈم پر کئی سوال اٹھائے گئے۔وہیں جموں وکشمیر انتظامیہ کی جانب سے وادی میں صحافیوں کی گرفتاری یا ان پر دباؤ ڈالنے پر بھی کئی تبصرے اور رپورٹ بھی امریکی و مغربی میڈیا میں شائع کئے گئے ہیں۔بتادیں کہ عالمی صحافتی تنظیم رپورٹرز ود آؤٹ بارڈرز کی جانب سے 2022 کے ورلڈ پریس فریڈم انڈیکس میں بھارت 150 مقام پر ہے جبکہ پاکستان 157،سری لنکا 146، بنگلہ دیش 162 اور میانمار 176 کی درجہ بندی پر ہے۔
