امت نیوز ڈیسک //
ڈوڈوما: تنزانیہ کی پریسیزن ایئر کا ایک مسافر طیارہ لینڈنگ سے قبل وکٹوریہ جھیل میں گر کر تباہ ہو گیا۔
ایئر لائن نے اتوار کے روز ٹویٹ کیا، "پریسیزن ایئر کی پرواز نمبر پی ڈبلیو 494، دارالسلام سے بوکوبا کے لیے پرواز کر رہی تھی، جو بوکوبا ہوائی اڈے کے نزدیک گر کر تباہ ہو گئی۔
ریسکیو ٹیمیں موقع پر روانہ کر دی گئی ہیں اور مزید تفصیلات دو گھنٹے بعد جاری کی جائیں گی۔
شمالی کوریا نے پہلی بار جنوبی کوریا کی سرحد میں میزائل داغا
فلپائن میں طوفان، 98 افراد ہلاک
تنزانیہ کے روزنامہ اخبار بزنس انسائٹ نے اطلاع دی ہے کہ مسافر طیارہ پر 43 افراد سوار تھے۔ جن میں 39 مسافروں اور عملے کے چار ارکان شامل ہیں۔ اب تک 26 افراد کو بچا لیا گیا ہے۔
اخبار کے مطابق طیارہ شدید بارش کے ساتھ آنے والے طوفان کے باعث گر کر تباہ ہوا۔
