امت نیوز ڈیسک //
فوج کے شمالی کمانڈر لیفٹیننٹ جنرل اوپیندر دویدی نے ہفتہ کو جموں و کشمیر کے اوڑی سیکٹر میں لائن آف کنٹرول (ایل او سی) پر تعینات فورسز کی آپریشنل تیاریوں کا جائزہ لیا۔
فوجی کمانڈر نے ایل او سی کے ساتھ فورسز کی آپریشنل تیاری اور مضبوط اینٹی انفلٹریشن گرڈ پر اعتماد کا اظہار کیا۔
فوج کی شمالی کمان نے ٹویٹر پر کہا”لیفٹیننٹ جنرل اوپیندر دویدی نے ایل او سی کے ساتھ ساتھ آگے کے علاقوں کا دورہ کیا، آپریشنل تیاریوں کا جائزہ لیا، تمام رینک کے ساتھ بات چیت کی اور آپریشنل تیاریوں اور مضبوط اینٹی انفلٹریشن گرڈ پر اعتماد کا اظہار کیا۔“
جمعہ کو لیفٹیننٹ جنرل دویدی نے شمالی کشمیر کے بانڈی پورہ ضلع میں گریز کے سرحدی علاقوں میں آپریشنل تیاریوں کا جائزہ لیا۔
لیفٹیننٹ جنرل اوپیندر دویدی نے جمعہ کو چنار کور کے کمانڈر لیفٹیننٹ جنرل اے ڈی ایس اوجلہ کے ہمراہ کور زیڈ میں آگے کے علاقوں کا دورہ کیا جہاں انہیں مقامی کمانڈروں نے سیکورٹی کی صورتحال اور آپریشنل تیاریوں پر بریفنگ دی۔
