امت نیوز ڈیسک //
جموں: جموں خطہ کے بری برہمنا علاقے میں ایک سکریپ فیکٹری کے ایک گودام میں زوردار دھماکہ ہوا۔ اس دھماکہ میں ایک شخص کی موت واقع ہوئی جبکہ دیگر چھ زخمی ہوئے ہیں۔بتایا جاتا ہیں کہ جموں خطہ کے ضلع سانبہ بری برہمنا علاقے میں ہفتہ کے روز سکریپ فیکٹری (کھباڑ گودام) میں مزدور و دیگر عملہ کام کررہے تھے اسی دوران وہاں ایک زور دار دھماکہ ہوا۔دھماکہ کی آواز آس پاس کے علاقوں تک سنائی دی گئی جس کے بعد علاقے میں خوف کا ماحول پیدا ہوا ۔مقامی لوگ اور جموں کشمیر پولیس کے جوان فیکٹری پہنچے اور دھماکہ میں ہوئے زخموں کو علاج معالجہ کے لیے ہسپتال منتقل کیا گیا ۔اس دوران دھماکہ میں ایک ایک شخص کو مردہ پایا گیا۔پولیس نے اس حوالے سے معاملے درج کرکے تحقیقات شروع کی ہے۔
وہیں ایس ایس پی سانبہ بینم توش نے میڈیا سے بات کرتے ہوئے کہا کہ بری برہمنا میں ہفتہ کے روز ایک سکریپ(کھباڑ) کے گودام میں دھماکہ ہوا ۔ انہوں نے کہا کہ دھماکہ سکریپ مٹریل سے ہوا ہے ۔ انہوں نے کہا کہ اس دھماکے میں ایک شخص ہلاک جبکہ چھ دیگر زخمی ہوئے ہیں۔انہوں نے کہا کہ مرنے والے شخص کی شناخت موہن لال کے طور پر ہوئی جو راجوری سے تعلق رکھتا ہے۔ایس ایس پی نے کہا کہ سکریپ مٹریل میں یہ دھماکہ ایک موٹار شل پھٹنے سے ہوا ہے ۔ انہوں نے کہا کہ یہ شلز ڈیفیز ہونے کے بعد سکریپ کو جاتے ہے۔انہوں نے کہا کہ دھماکہ کے بعد علاقہ کو پولیس نے سینیٹائز کیا اور یہ دھماکہ کوئی عسکریت پسندانہ معاملہ نہیں ہے۔
ایس ایس پی نے مزید کہا کہ واقعے کی مناسبت سے ایف آئی آر درج کی گئی ہے۔ اور اس میں ملوث افراد کے خلافکارروائی کی جائے گی۔ انہو نے کہا کہ زخمیوں کا تعلق اترپردیش، اتراکھنڈ، بشناگ، رامگڑھ، رامنگر اور باری برہمن سے ہیں۔
