امت نیوز ڈیسک//
بانڈی پورہ، 16 اپریل: شمالی کشمیر کے بانڈی پورہ ضلع کے حاجن کے چیک چندرگیر علاقے میں ہفتہ کی دیر رات ایک 27 سالہ نوجوان اپنے پولٹری فارم میں لٹکا ہوا پایا گیا۔
ایک اہلکار نے خبر رساں ایجنسی کو بتایا کہ ایک نوجوان جس کی شناخت سمیر احمد خان (27) ولد عبدالمجید خان کے چیک چندرگیر کے طور پر ہوئی ہے اپنے پولٹری فارم میں لٹکتا ہوا پایا گیا۔
انہوں نے بتایا کہ انہیں کمیونٹی ہیلتھ سینٹر حاجن لے جایا گیا جہاں پہنچنے پر انہیں مردہ قرار دے دیا گیا۔
انہوں نے کہا کہ موت کی وجہ پوسٹ مارٹم کے بعد معلوم ہو سکے گی، انہوں نے مزید کہا کہ پولیس نے معاملے کی تفتیش شروع کر دی ہے۔
