امت نیوز ڈیسک//
بارہمولہ، 26 اپریل: جموں و کشمیر پولیس نے بدھ کے روز شمالی کشمیر کے بارہمولہ ضلع میں معدنیات کی غیر قانونی نقل و حمل میں ملوث چھ گاڑیوں کو ضبط کیا اور چھ افراد کو گرفتار کیا۔
خبر رساں ایجنسی کو جاری ہونے والے ایک بیان میں کہا گیا ہے کہ فتح گڑھ اور جھامہ سمیت مختلف مقامات پر چھاپے مارے گئے جس کے دوران چھ افراد کو گرفتار کیا گیا، اس کے علاوہ چھ گاڑیاں بشمول پانچ ٹریکٹر اور ایک ٹپر قبضے میں لے لی گئی۔
بیان میں کہا گیا ہے کہ دیہاتوں سے متعدد شکایات موصول ہو رہی ہیں کہ کچھ مفاد پرست عناصر نالوں سے معدنیات نکالنے کے غیر قانونی عمل میں ملوث ہیں۔
گرفتار افراد کی شناخت مزمل احمد بھٹ، مدثر رشید ڈار، فردوس احمد ملہ، تجمل بشیر ملہ، نثار احمد بھٹ اور عبدالمجید لون کے طور پر ہوئی ہے جو تمام بارہمولہ کے رہنے والے ہیں۔
اس میں لکھا ہے کہ قانون کی متعلقہ دفعات کے تحت الگ الگ مقدمات شیری اور بارہمولہ کے پولیس اسٹیشنوں میں درج کیے گئے تھے اور مزید تحقیقات کو حرکت میں لایا گیا تھا۔
قابل ذکر بات یہ ہے کہ سوپور کے ننگلی، چکروڈی خان، ایم ای ٹی سمیت ضلع بھر کے مختلف مقامات سے مقامی لوگ شکایت کر رہے ہیں کہ ریت کی غیر قانونی نکالی جا رہی ہے جبکہ انتظامیہ کارروائی کرنے میں ناکام رہی ہے۔
