امت نیوز ڈیسک //
جالندھر: بارڈر سیکیورٹی فورسز نے امرتسر میں ایک ڈرون کو مار گرانے کا دعویٰ کیا ہے۔
پنجاب کی بین الاقوامی سرحد پر تعینات بارڈر سیکورٹی فورس (بی ایس ایف) کے اہلکاروں نے جمعرات کو امرتسر کے گاؤں دھنو کلاں کے قریب علاقے میں پاکستان سے ہندوستانی حدود میں داخل ہونے والے ایک ڈرون کو مار گرایا ۔
بی ایس ایف کے تعلقات عامہ کے افسر نے بتایا کہ سیکورٹی فورس کے اہلکاروں نے پاکستان سے ہندوستانی حدود میں داخل ہونے والے ڈرون کی آواز سنی۔
فوجیوں نے فوری طور پر مقررہ مشق کے مطابق فائرنگ کرکے ڈرون کو مارگرایا۔
علاقے کی ابتدائی تلاشی کے دوران بی ایس ایف اہلکاروں نے ایک سیاہ رنگ کا ڈرون (کواڈ کاپٹر، ڈی جے آئی میٹرس 300 آر ٹی کے) جزوی طور پر ٹوٹی ہوئی حالت میں پایا۔
ڈرون سے پیلے رنگ کے چپکنے والی ٹیپ سے لپٹے ہوئے ایک بڑے پیکٹ میں دو کلو ہیروئن کے 02 پیکٹ اور 170 گرام کے 02 چھوٹے پیکٹ افیم کے برآمد کیے۔اور ساتھ ہی لوہے کی ایک انگوٹھی بھی ملی ہے۔( یو این آئی)
