*
امت نیوز ڈیسک//
کپواڑہ، 08 مئی: شمالی کشمیر کے کپواڑہ ضلع کے کرناہ سیکٹر میں نیچیاں ٹاپ میں ایک کار کے حادثے کا شکار ہونے کے بعد ایک شخص کی موت ہو گئی جبکہ دو دیگر زخمی ہو گئے۔
ایک اہلکار نے خبر رساں ایجنسی کو بتایا کہ یہ تینوں آج دوپہر ایک آلٹو گاڑی میں سفر کر رہے تھے جب یہ حادثہ پیش آیا۔
انہوں نے کہا کہ اس واقعہ میں ایک شخص کی موقع پر ہی موت ہو گئی جبکہ دو دیگر زخمی ہو گئے جنہیں ہسپتال میں داخل کرایا گیا ہے۔
اس نے متوفی کی شناخت تاڈ کرناہ کے محمد رفیق قریشی (52) کے طور پر کی۔
دونوں زخمیوں کی شناخت شکور احمد ساکنہ ڈریگر اور محمد رمضان ساکنہ ہندواڑہ کے طور پر ہوئی ہے۔
