امت نیوز ڈیسک//
سری نگر، 09 مئی: شمالی کشمیر بارہمولہ ضلع کے اڑی علاقے میں منگل کو ایک سڑک حادثے میں کم از کم سات افراد زخمی ہو گئے۔
ایک اہلکار نے نیوز ایجنسی – کشمیر اسکرول کو بتایا کہ گن پوسٹ نمبلہ پر دو گاڑیوں آلٹو بیئرنگ رجسٹریشن نمبر JK05J-8290 اور ٹاٹا پنچ بیئرنگ رجسٹریشن نمبر JK05L-3712 کے درمیان حادثہ پیش آیا جس کے نتیجے میں 07 افراد زخمی ہوگئے۔
ان کی شناخت ریحناز بانو، ثمینہ، افشانہ، سید اشتیاق، بشیر احمد، محمد شفیع اور محمد شریف کے نام سے ہوئی ہے جو تمام اڑی علاقے کے رہنے والے ہیں۔
انہوں نے بتایا کہ تمام زخمیوں کو ابتدائی طبی امداد کے لیے ایس ڈی ایچ اوڑی منتقل کیا گیا جہاں سے دو زخمیوں کو علاج کے لیے جی ایم سی بارہمولہ ریفر کیا گیا۔
دوسری جانب پولیس نے واقعے کا نوٹس لیتے ہوئے تفتیش شروع کردی ہے۔
