امت نیوز ڈیسک//
سرینگر کے رکھ کالونی نور باغ سے تعلق رکھنے والے کمسن لڑکے نے خود سوزی کرنے کی کوشش کی جس کو عین موقع پر ہسپتال پہنچایا گیا جہاں پر اس کی حالت مستحکم بتائی جارہی ہے۔
پولیس ترجمان نے بتایا کہ رکھ کالونی نور باغ سے تعلق رکھنے والے چودہ سالہ کمسن لڑکے نے کسی عاشقانہ معاملے پر خود سوزی کرنے کی کوشش کی۔انہوں نے کہاکہ ذمہ دار شہریوں نے اس کو شری مہاراجہ ہری سنگھ ہسپتال پہنچایا، وہ معمولی زخمی ہوا ہے اور اس کی حالت مستحکم ہے۔
پولیس اسٹیشن صفا کدل نے معاملے کا نوٹس لیا ہے۔عوامی حلقوں کا کہنا ہے کہ وادی کشمیر میں اب ایسے واقعات بھی رونما ہو رہے ہیں جن کے بارے میں سوچا بھی نہیں جاسکتا تھا۔(یو این آئی)
