امت نیوز ڈیسک//
اننت ناگ، 10 مئی: جنوبی کشمیر کے اننت ناگ ضلع کے متن کے اکاد علاقے میں بدھ کے روز نامعلوم افراد نے چاقو کے وار کرکے ایک نوجوان کو زخمی کردیا۔
ذرائع نے خبر رساں ایجنسی کو بتایا کہ شرپسندوں کے ایک گروپ نے پہلے ایک نوجوان کی پٹائی کی جس کی شناخت سمیر احمد ماگرے ولد عبدالرشید ماگرے ساکن ہردو اکاد کے طور پر کی گئی اور بعد میں اس پر چاقو سے وار کیا۔
انہوں نے بتایا، "زخمی شخص کو علاج کے لیے ایس ڈی ایچ سیر لے جایا گیا جہاں ڈاکٹروں نے اسے مزید علاج کے لیے جی ایم سی اننت ناگ ریفر کر دیا۔”
متاثرہ کی حالت فوری طور پر معلوم نہیں ہو سکی۔
قابل ذکر بات یہ ہے کہ اسی طرح کا ایک واقعہ علاقے میں بھی سامنے آیا ہے جس میں ایک نوجوان کو اس کے دوست نے چاقو مار کر زخمی کر دیا تھا۔
