امت نیوز ڈیسک//
اننت ناگ، 14 مئی: جنوبی کشمیر کے اننت ناگ میں اتوار کی صبح کوکرناگ کے اندروان سگام گاؤں میں جنگجوؤں اور سیکورٹی فورسز کے درمیان گولی باری شروع ہوئی۔
سرکاری ذرائع نے خبر رساں ایجنسی کو بتایا کہ پولیس، فوج اور سی آر پی ایف کی ایک مشترکہ ٹیم نے علاقے میں عسکریت پسندوں کی موجودگی کی مخصوص اطلاع پر محاصرے اور تلاشی آپریشن شروع کیا۔
انہوں نے کہا کہ جب فورسز کی مشترکہ ٹیمیں مشتبہ مقام کی طرف پہنچیں تو چھپے ہوئے دہشت گردوں نے ان پر فائرنگ کی جس پر جوابی کارروائی کی گئی جس سے انکاؤنٹر شروع ہو گیا۔
ذرائع کے مطابق علاقے میں ایک سے دو عسکریت پسندوں کے پھنسے ہونے کا خدشہ ہے۔
