امت نیوز ڈیسک//
سری نگر، 22 مئی: سری نگر کے پانتھا چوک علاقے میں پیر کو ٹرک کی زد میں آکر ایک موٹر سائیکل سوار ہلاک ہوگیا۔
ایک اہلکار نے خبر رساں ایجنسی کو بتایا کہ موٹر سائیکل سوار کو آج صبح سری نگر کے بلہامہ علاقے کے قریب ٹرک نے ٹکر مار دی جس کے نتیجے میں وہ شدید زخمی ہو گیا۔
انہوں نے بتایا کہ واقعے کے فوراً بعد زخمی شخص کو قریبی اسپتال لے جایا گیا، جہاں پہنچنے پر اسے مردہ قرار دے دیا گیا۔
اس کی شناخت محمد صادق اعوان ولد ثناء اللہ اعوان ساکنہ سلام آباد اڑی کے طور پر ہوئی ہے۔
دریں اثناء پولیس نے واقعہ کا نوٹس لے لیا ہے۔
