*
امت نیوز ڈیسک//
سری نگر، 23 مئی: کوریا کے سفیر چانگ جائبوک نے منگل کو کہا کہ کوریا اور ہندوستان کی حکومتوں کو کوریا سے کشمیر میں سیاحوں کی تعداد بڑھانے کے لیے کوششیں کرنے کی ضرورت ہے۔
خبر رساں ایجنسی کے مطابق 3rd G20 ٹورازم ورکنگ گروپ میٹنگ کے موقع پر صحافیوں سے بات کرتے ہوئے کوریا کے سفیر نے کہا کہ دونوں حکومتوں کو وادی میں شوٹنگ کے لیے فلمی عملے کو راغب کرنے کے لیے ثقافتی تبادلے کو فروغ دینے کی ضرورت ہے۔
جیبوک نے یہ بھی کہا کہ کوریا کی حکومت اس سال جی 20 کی صدارت کے لیے ہندوستان کو مکمل تعاون فراہم کرتی ہے۔ انہوں نے کہا کہ "ہر ملک کا کسی بھی معاملے پر اپنا اپنا موقف ہے، لیکن جہاں تک کوریا کا تعلق ہے، ہم اس سال جی 20 کی صدارت کے لیے ہندوستان کی مکمل حمایت کر رہے ہیں”۔
انہوں نے کہا کہ کوریا سے کشمیر میں سیاحوں کی آمد میں کچھ وقت لگے گا لیکن ہندوستان اور کوریا دونوں کی حکومتوں کو اس سلسلے میں ثقافتی تبادلے کو فروغ دینے کی ضرورت ہے۔
