امت نیوز ڈیسک //
بڈگام پولیس نے منگل کے روز لڑکی کے ساتھ جنسی استحصال کے الزام میں ایک شخص کی گرفتاری عمل میں لائی ہے۔
اطلاعات کے مطابق بڈگام پولیس کو 29 مئی کی شام کو ایک لڑکی کی جانب سے تحریری طور پر ایک شکایت موصول ہوئی کہ 25 مئی کو مزکورہ لڑکی بڈگام میں کوچنگ سینٹر کی طرف جارہی تھی کہ اس دوران راستے میں ایک نجی گاڑی سے لیفٹ مانگی کہ راستے میں گاڑی کے ڈرائیور نے اس کے ساتھ چھیڑ چھاڑ کرنا شروع کردیا، جس کے بعد لڑکی اپنی عزت بچانے کے لئے گاڑی میں اپنا فون اور بیگ چھوڑ کر بچ نکلنے میں کامیاب ہوئی۔
اس ضمن میں پولیس نے معاملے کی نسبت ایک رپورٹ درج کرکے تفتیش شروع کرکے 30 مئی کو ملوث شخص کی گرفتاری عمل میں لائی۔
پولیس کا کہنا ہے کہ معاملے کی نسبت مزید تفتیش جاری ہے۔
