امت نیوز ڈیسک//
سری نگر، 01 جون: ریاستی تحقیقاتی ایجنسی جنوبی کشمیر کے تین اضلاع میں متعدد مقامات پر چھاپے مار رہی ہے۔
ایک اہلکار نے بتایا کہ ایس آئی اے کشمیر آئی ڈی جنوبی کشمیر میں پلوامہ، شوپیاں اور اننت ناگ سمیت متعدد مقامات پر چھاپے مار رہی ہے۔
انہوں نے کہا کہ سنجے شرما قتل کیس (بینک اے ٹی ایم گارڈ) کے سلسلے میں چھاپے مارے جا رہے ہیں جنہیں اس سال 26 فروری کو اچان پلوامہ میں بندوق برداروں نے قتل کر دیا تھا جس کے بعد ایف آئی آر نمبر 14/2023 درج کیا گیا تھا۔
آخری اطلاعات آنے تک چھاپے جاری تھے۔
