امت نیوز ڈیسک //
اسلام آباد : پاکستان میں اتوار کو راولپنڈی جانے والی ٹرین کی پانچ بوگیوں کے پٹری سے اترنے سے کم از کم 22 افراد ہلاک اور متعدد زخمی ہو گئے۔ ہزارہ ایکسپریس کراچی سے راولپنڈی جارہی تھی کہ نواب شاہ کے علاقے سرہاری ریلوے اسٹیشن کے قریب حادثے کی شکار ہوگئی۔ پاکستان ریلویز کے ڈپٹی سپرنٹنڈنٹ محمود الرحمان نے تصدیق کی کہ تباہ شدہ بوگیوں میں سے کم از کم 22 لاشیں نکال لی گئی ہیں جب کہ 80 کے قریب زخمیوں کو اسپتال منتقل کیا جا رہا ہے۔
حادثے کے بعد عام شہریی بھی بچاؤ کے کام میں بھی شامل تھے۔ رحمان نے کہا کہ فی الحال، بچاؤ کے کام اور پٹری سے اترنے والے ڈبوں سے لوگوں کو نکالنے پر توجہ مرکوز ہے، انہوں نے مزید کہا کہ حادثے کی وجہ کی تحقیقات کی جا رہی ہیں۔ قابل ذکر ہے کہ یہ تازہ ترین حادثہ کراچی سے سیالکوٹ جانے والی علامہ اقبال ایکسپریس کی تین بوگیاں پٹری سے اترنے کے ایک روز بعد پیش آیا ہے۔ اس حادثے میں بھی کوئی زخمی نہیں ہوا تھا۔یہ بھی پڑھیں:
وفاقی وزیر ریلوے سعد رفیق کا کہنا ہے کہ جب ٹرین حادثے کی ژکار ہوئی تو اس وقت ٹرین مناسب رفتار سے چل رہی تھی لیکن پہلے ہم ریلیف کے کام پر توجہ مرکوز کیے ہوئے ہیں لیکن اس کی تحقیقات بھی کی جا رہی ہے۔ انھوں نے مزید کہا کہ یہ لائن کا بھی مسئلہ ہوسکتا ہے یا کوئی تخریب کاری بھی ہوسکتی ہے، لیکن اس حادثے کی اصل وجہ کیا تھی یہ تحقیقات کے بعد ہی سامنے آسکتا ہے لیکن ہم نے قریبی اسپتالوں میں ایمرجنسی نافذ کر دی ہے۔
