امت نیوز ڈیسک //
سری نگر، 29 اکتوبر : حکام نے سونم لوٹس کو میٹرولوجیکل سینٹر سری نگر سے ٹرانسفر کرنے کا حکم دیا ہے اور وہ اب میٹرولوجیکل سینٹر لیہہ کے سربراہ ہوں گے۔
"مجاز اتھارٹی کی طرف سے یہ فیصلہ کیا گیا ہے کہ کے ایس ہوسالیکر اگلے احکامات تک CRS پونے کے سربراہ کے طور پر کام کریں گے اور سونم لوٹس لیہہ میٹرولوجیکل سینٹر کے سربراہ کے طور پر کام کریں گے اور انہیں اپنے عہدے سے فارغ کر دیا گیا ہے“۔ وہیں حکمنامہ کے مطابق ڈاکٹر مختار احمد سائنٹسٹ-ڈی میٹرولوجیکل سینٹر سری نگر کے سربراہ کے طور پر اگلے احکامات تک کام کریں گے۔
واضح رہے سونم لوٹس 2008میں سرینگر میں تعینات کیے گئے تھے اور تب سے وہ موسم کی جانکاری ہر ایک کو فون پر بھی مہیا کرنے میں ہچکچاہٹ محسوس نہیں کرتے۔
