امت نیوز ڈیسک //
ٹنگمرگ، 31 اکتوبر : سری نگر شہر میں ایک پولیس اہلکار پر ملی ٹنٹوں حملے کے صرف دو دن بعد، شمالی کشمیر کے ٹنگمرگ علاقے میں عسکریت پسندوں کے حملے میں ایک پولیس اہلکار زخمی ہوگیا۔
ذرائع نے نیوز ایجنسی کشمیر اسکرول کو بتایا کہ نامعلوم بندوق برداروں نے آج شام ٹنگمرگ علاقے میں کانسٹیبل غلام محمد ڈار پر ان کی رہائش گاہ کے قریب فائرنگ کی۔
ذرائع نے بتایا کہ حملے میں پولیس اہلکار زخمی ہوا اور اسے فوری طور پر علاج کے لیے ایس ڈی ایچ ٹنگمرگ لے جایا گیا۔
دریں اثناء سکیورٹی فورسز نے حملہ آوروں کو پکڑنے کے لیے پورے علاقے کو سیل کر دیا ہے۔ واضح رہے کہ اتوار کے روز سری نگر کے عیدگاہ علاقے میں عسکریت پسندوں نے پولیس افسر مسور احمد کو گولی مار کر شدید زخمی کر دیا تھا۔ (کشمیر اسکرول)
