امت نیوز ڈیسک //
پلوامہ:مرکز کے زیر انتظام یوٹی جموں و کشمیر کے ضلع پلوامہ کے ترال کے سیر جاگیر اور پستونہ میں عوامی رابطہ مہم کے تحت بی جے پی کے ترجمان الطاف ٹھاکر نے مختلف علاقوں کا دورہ کیا ارو مقامی باشندوں سے ملاقات کی۔اس موقع پر محمد شفیع وانی، نزیر احمد، اعجاز شاہ اور دیگر لیڈران بھی موجود تھے۔
مقامی باشندوں نے بی جے پی کے رہنما کا والہانہ استقبال کیااور اپنے اپنے مسائل موصوف کے نوٹس میں لائے۔الطاف ٹھاکر نے عوام کے مسائل سنے اور ان کو ترجیحی بنیادوں پر حل کرانے کی یقین دہانی کرائی۔ انہوں نے لوگوں کو یقین دلایا کہ ان کے مسائل ترجیحی بنیادوں پر حل کیے جائیں گے ۔میڈیا کے ساتھ بات کرتے ہوئے الطاف ٹھاکر نے بتایا کہ ترال وھاب صاحب کھریو روڈ پر اگلے سال کام شروع ہوگا کیونکہ یہ روڈ پروجیکٹ اہمیت کا حامل ہے.
الطاف ٹھاکر نے بتایا کہ تین ریاستوں کے انتخابی نتائج سے ہمارے حوصلے بڑھ گئے ہیں اور آنے والے اسمبلی انتخابات میں بھاجپا پچاس پار نعرے کو حقیقت سے تبدیل کرے گی۔
الطاف ٹھاکر نے پنڈتوں کو تین نشستیں دینے پر مودی حکومت کا شکریہ ادا کیا اور کہا کہ پنڈتوں کو ریزرویشن دینے کے معاملے پر ٹھاکر نے کہا بھارتیہ جنتاپارٹی اس فیصلے کا خیر مقدم کرتی ہے کیونکہ مودی حکومت کا یہ فیصلہ پنڈت کمیونٹی کے لیے امرت ہے اور یہ ایک دیرینہ مانگ تھی جو پوری ہوگئی ہے انھوں نے سکھ کمیونٹی کو بھی ریزرویشن دینے کی اپیل کی۔
