امت نیوز ڈیسک//
آرٹیکل 370 کی تنسیخ پر آج سپریم کورٹ بڑا فیصلہ سنانے جا رہا ہے اور اسکے پیش نظر وادی کشمیر سیکورٹی کے کڑے انتظامات کئے گئے ہیں۔ادھر پی ڈی پی کی جانب سے آج صبح ایک ٹویٹ میں دعوی کیا گیا کہ پارٹی صدر محبوبہ مفتی کو گھر میں نظر کیا گیا ہے تاہم ایل جی منوج سنہا نے اس الزام کو مسترد کر دیا ہے ۔
پی ڈی پی نے ایکس پر ایک پوسٹ میں کہا کہ” سپریم کورٹ کا فیصلہ سنانے سے پہلے ہی پولیس نے پی ڈی پی صدر محبوبہ مفتی کی رہائش گاہ کے دروازے سیل کر دیے ہیں اور انہیں غیر قانونی طور پر نظر بند کر دیا ہے۔“ پوسٹ کے ساتھ دروازے پر لگے تالے کی تصاویر بھی شئیر کی گئی ہیں ۔
تاہم دوسری طرف سے خبررساں نیوز ایجنسی پی ٹی آئی سے بات کرتے ہوئے ایل جی منوج سنہا نے کہا کہ آرٹیکل 370 پر سپریم کورٹ کے فیصلے سے قبل گھر میں نظربندی یا کسی کی گرفتاری ‘مکمل طور پر بے بنیاد’ ہے۔
