امت نیوز ڈیسک //
یاسی، 06 جنوری: ضلع ریاسی کے چسانہ علاقے میں ہفتہ کی صبح ایک سڑک حادثہ میں میاں بیوی اور ان کے بیٹے کی موت ہو گئی جبکہ ایک اور شخص زخمی ہو گیا۔
ایک اہلکار نے میڈیا کو بتایا کہ ہفتہ کی صبح ریاسی ضلع کے چسانہ علاقے میں حادثہ پیش آیا۔ "حادثہ اس وقت پیش آیا جب ایک گاڑی گہری کھائی میں گر گئی، جس سے ایک خاندان کے تین افراد ہلاک اور ایک زخمی ہوا،” اہلکار نے بتایا۔
جاں بحق ہونے والوں کی شناخت زاہد احمد، اس کی بیوی سریہ اختر اور بیٹا بلم کوٹ کے رہائشی کے طور پر ہوئی ہے۔ زخمی کی شناخت عرفان احمد ساکن دیول کے نام سے ہوئی ہے جسے علاج کے لیے اسپتال منتقل کر دیا گیا ہے۔
ادھر پولیس نے معاملے کی تحقیقات شروع کر دی ہے۔
