امت نیوز ڈیسک //
سری نگر: جموں و کشمیر کے سوپور سے تعلق رکھنے والے ایک طالب علم کی ایران میں نامعلوم وجوہات کی بنا پر موت ہوئی ہے۔
ایران میں IUMS میں میڈیکل کے طالب علم محمد ارسلان کنجوال 6 جنوری 2023 کو نامعلوم حالات میں انتقال کر گئے۔ ارسلان ایران میں IUMS میں میڈیکل کے چوتھے سال کا طالب علم تھا۔
ایک ساتھی طالبعلم نے بتایا کہ "وہ کل رات سے فون کالز کا جواب نہیں دے رہا تھا۔ صبح ہم نے اس کے دروازے پر دستک دی لیکن اس نے کوئی جواب نہیں دیا۔ کچھ دیر بعد دروازہ توڑنے پر ہم نے اسے مردہ پایا۔”
ارسلان کے انتقال کی خبر نے ان کے اہل خانہ کو شدید غم میں مبتلا کر دیا ہے، جو اب اس کی لاش کو کشمیر واپس لانے کے لیے فوری طور پر مدد کی طلب کر رہے ہیں۔ اہل خانہ ایران میں سفارتخانے اور یونیورسٹی کے ساتھ فوری رابطے پر بھی زور دے رہے ہیں تاکہ میت کو جلد واپس لاکر آخری رسومات ادا کی جا سکیں ۔
