امت نیوز ڈیسک //
سری نگر، 04 فروری (کے ایس): وسطی کشمیر سری نگر ضلع کے بمنہ علاقے میں اتوار کو ایک سڑک حادثے میں ایک شخص کی جان چلی گئی جبکہ چار دیگر زخمی ہوگئے۔
ایک پولیس اہلکار نے نیوز ایجنسی کشمیر اسکرول کو بتایا کہ پانچ افراد کو لے جانے والی ایک سوئفٹ کار بمنہ چوک میں ڈیوائیڈر سے ٹکرا گئی جس کے نتیجے میں پانچوں افراد زخمی ہو گئے۔
انہوں نے کہا کہ ان میں سے تین کو جے وی سی اسپتال بمنہ منتقل کیا گیا جہاں ان میں سے ایک کو مردہ قرار دیا گیا اور باقی کو ایس ایم ایچ ایس اسپتال منتقل کیا گیا۔ تین زخمیوں کو جنہیں ایس ایم ایچ ایس اسپتال منتقل کیا گیا ان کی شناخت عائد ولد ہلال احمد شانگلو ساکن چھتہ بل سری نگر، زاہد ظہور ولد ظہور احمد وانی اور ہاشم نذیر ولد نذیر احمد کھانڈے کے طور پر ہوئی ہے۔
انہوں نے بتایا کہ بمنہ چوک سے جے وی سی ہسپتال بمنہ لائے گئے مریض کی شناخت مومن مندور ولد مفید احمد مندور ساکنہ کدلہ بل پانپور کے طور پر ہوئی ہے۔جبکہ سکمز صورہ سے منتقل کیے گئے، فیاض نذیر کھانڈے ولد نذیر احمد ساکن چھتہ بل پامپور، عیاد بلال شانگلو ولد بلال احمد ساکنہ باباڈیم منتقل کیا گیا جسے ڈاکٹروں نے مردہ حالت میں لایا۔ دریں اثناء پولیس نے نوٹس لیتے ہوئے تفتیش شروع کر دی ہے۔(کشمیر اسکرول)
