امت نیوز ڈیسک //
سری نگر، 04 فروری: تازہ برف باری اور خراب موسم کی وجہ سے سری نگر کے بین الاقوامی ہوائی اڈے پر آج کے لیے طے شدہ تمام پروازیں منسوخ کر دی گئی ہیں۔
سری نگر ایئرپورٹ کے ڈائریکٹر جاوید انجم نے نیوز ایجنسی – کشمیر نیوز آبزرور (کے این او) کو بتایا کہ خراب موسم کی وجہ سے آج کی تمام پروازیں منسوخ کر دی گئی ہیں۔
دریں اثناء وادی میں شدید برف باری کے پیش نظر صبح سے سات ٹرینوں کو بھی منسوخ کر دیا گیا ہے۔
وادی کشمیر میں کل رات سے تازہ برف باری ہوئی جس سے معمولات زندگی درہم برہم ہونے کے علاوہ سطحی اور فضائی ٹریفک بھی متاثر ہوا—(کے این او)
