امت نیوز ڈیسک //
بارہمولہ //محکمہ صحت اور طبی تعلیم کے انتظامی سکریٹری سید عابد رشید شاہ ( آئی اے ایس) نے ہفتہ کے روز کہا کہ کسی بھی ڈاکٹر کو ڈیوٹی کے اوقات کے دوران پرائیویٹ کلینک میں کام کرنے کی اجازت نہیں ہے۔ اُنہوں نے کہا کہ اگر کوئی بھی ڈاکٹر جو صبح 10 بجے سے شام 4 بجے کے در میان کسی نجی کلینک میں پریکٹس کرتا پایا جائے گا اس کے خلاف
کار روائی کی جائے۔
ڈاکٹر سید عابد رشید شاہ نے ڈیوٹی کے اوقات میں نجی پریکٹس کرنے والے ڈاکٹروں پر رد عمل ظاہر کرتے ہوئے کہا کہ اگر کوئی بھی ڈاکٹر صبح 10 سے شام 4 بجے کے درمیان نجی پریکٹس کرتا ہوا پایا گیا تو اس کے خلاف سخت کار روائی کی جائے گی۔
انہوں نے ڈاکٹروں کی ضرورت پر زور دیا کہ وہ سرکاری ہسپتالوں میں اپنی ذمہ داریوں کو ترجیح دیں اور مریضوں کو بہترین ممکنہ دیکھ بھال فراہم
کریں۔
ان کا مزید کہنا تھا کہ اوقات کار کے دوران ڈاکٹروں کی سرگرمیوں پر نظر
رکھنے کے لیے اقدامات کیے جائیں گے، نجی کلینک میں پریکٹس کرنے
والوں کو سخت نتائج کا سامنا کرنا پڑے گا۔
