امت نیوز ڈیسک //
سری نگر، 29 فروری: محکمہ موسمیات کی طرف سے جاری موسم کی پیشن گوئی کے پیش نظر ڈائریکٹوریٹ آف اسکول ایجوکیشن کشمیر (ڈی ایس ای کے) نے اسکولی بچوں کی موسم سرما کی تعطیلات میں دو دن کی توسیع کردی ہے۔
اس سلسلے میں حکم نامہ ڈائریکٹوریٹ آف اسکول ایجوکیشن کشمیر (ڈی ایس ای کے) نے جمعرات کی سہ پہر جاری کیا۔
محکمہ موسمیات نے شدید برفباری کے لیے ایڈوائزری جاری کی ہے جس سے زمینی اور فضائی آمدورفت متاثر ہونے کا خدشہ ہے۔
محکمہ موسمیات نے یکم مارچ کو جموں و کشمیر میں ہلکی سے درمیانے درجے کی برفباری کی پیش گوئی کی ہے جبکہ پورے جموں و کشمیر میں درمیانہ سے لے کر بھاری بارش اور برف باری کی پیش گوئی کی ہے۔
قابل ذکر بات یہ ہے کہ تمام اسکولوں میں تین ماہ کی طویل موسم سرما کی تعطیلات کے بعد اسکول کے بچوں کے لیے معمول کی کلاس کا کام دوبارہ شروع کرنا تھا جس کا اعلان 28 نومبر سے 29 فروری تک مرحلہ وار پرائمری سے لے کر ہائیر سیکنڈری تک کے طلبہ کے لیے کیا گیا تھا۔
تاہم تمام سکولوں میں تدریسی عملہ 21 فروری سے اپنی ڈیوٹی دوبارہ شروع کر چکا ہے جبکہ کلاس کا کام یکم مارچ 2024 سے دوبارہ شروع ہونا تھا۔
ڈائریکٹر سکول ایجوکیشن کشمیر تصدق حسین میر نے کہا کہ "لیکن موسلادھار بارشوں اور برف باری کی پیش گوئی کے پیش نظر، ہم نے معمول کے کلاس ورک کے لیے سکولوں کو دوبارہ کھولنے میں دو دن کے لیے تاخیر کرنے کا فیصلہ کیا۔”
حکمنامہ کے مطابق "تمام سرکاری اور نجی تسلیم شدہ اسکولوں میں کلاس کا کام 4 مارچ 2024 سے دوبارہ شروع ہو جائے گا۔“
