امت نیوز ڈیسک //
سری نگر، 22 مارچ: جموں و کشمیر پولیس کے ایک اسسٹنٹ سب انسپکٹر (اے ایس آئی) سری نگر کے آبی گزر علاقے میں دل کا دورہ پڑنے سے انتقال کر گئے۔
ایک اہلکار نے نیوز ایجنسی کشمیر ڈاٹ کام کو بتایا کہ ایک اے ایس آئی جس کی شناخت مشتاق احمد ساکنہ کرناہ کپواڑہ کے طور پر ہوئی، آج دوپہر کوٹھی باغ پولیس کے دائرہ اختیار کے علاقے آبی گزر میں ڈیوٹی کے دوران بے ہوش ہوگیا۔
اہلکار کو فوری طور پر علاج کے لیے پی سی آر اسپتال منتقل کیا گیا، تاہم اسپتال میں اسے مردہ قرار دے دیا گیا۔ (کے ڈی سی)