بوہری کدل میں آگ لگنے سے تین دکانیں جل گئیں، دوفائر فائٹرز زخمی

امت نیوز ڈیسک //
سری نگر، 22 مارچ : وسطی کشمیر کے سری نگر ضلع کے بوہری کدل علاقے میں جمعہ کو ایک آگ نے تین تجارتی دکانوں کو تباہ کر دیا اور دو فائر فائٹرز زخمی ہو گئے۔

ایک اہلکار نے مقامی نیوز ایجنسی کو بتایا کہ آگ شاپنگ لائن میں ایک دکان سے شروع ہوئی اور تیزی سے ڈاون ٹاؤن بوہری کدل میں آس پاس کی دکانوں تک پھیل گئی۔ اس واقعے میں آگ بجھانے کے دوران دو فائر فائٹرز زخمی ہوئے ہیں جنہیں بعد میں علاج کے لیے قریبی اسپتال منتقل کیا گیا۔

زخمی فائر فائٹرز کی شناخت مدثر احمد (ایم ڈی) اور رابندر سنگھ (ایل ایف ایم) کے طور پر ہوئی ہے اور ان کی حالت مستحکم بتائی جاتی ہے۔

دریں اثنا، ڈویژنل فائر آفیسر (ڈی ایف او)، سری نگر سٹی نور عالم نے بتایا کہ آگ لگنے کی وجہ تحقیقات کی جا رہی ہے اور کسی جانی نقصان کی اطلاع نہیں ہے۔