امت نیوز ڈیسک /
جموں، 12 جون : ڈوڈہ ضلع کے تنترا علاقے میں بدھ کو عسکریت پسندوں اور سیکورٹی فورسز کے درمیان تصادم کے بعد ایس او جی کا ایک پولیس اہلکار زخمی ہو گیا۔
سرکاری ذرائع نے جی این ایس کو بتایا کہ مخصوص اطلاع پر پولیس اور فوج کی 4RR کی مشترکہ ٹیم نے علاقے کو گھیرے میں لے کر تلاشی آپریشن شروع کیا۔
جیسے ہی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے فورسز پر گولی چلائی جس کے بعد مسلح تصادم شروع ہوگیا۔
ابتدائی فائرنگ کے تبادلے کے دوران، ایک ایس او جی اہلکار کو گولی لگی، اسے فوری طور پر علاج کے لیے قریبی اسپتال منتقل کیا گیا۔
