امت نیوز ڈیسک //
سری نگر، 12 جولائی :: شمالی کشمیر کے کپواڑہ ضلع کے کیرن علاقے میں ایک سڑک حادثے میں ایک شخص کی جان چلی گئی جبکہ سات دیگر زخمی ہوگئے۔
اہلکار نے نیوز ایجنسی کشمیر اسکرول کو بتایا کہ ایک گاڑی جس کی رجسٹریشن نمبر HR 26BY0374 تھی، کیرن کے علاقے میں الٹ گئی اور اس میں سوار 8 مسافر زخمی ہو گئے۔
انہوں نے کہا کہ پولیس پارٹی موقع پر پہنچی اور زخمیوں کو اسپتال منتقل کیا گیا جہاں سے چند کو جدید علاج کے لیے سری نگر منتقل کیا گیا۔ انہوں نے مزید کہا کہ ایک زخمی شخص جس کی شناخت فرید احمد کے نام سے ہوئی ہے جو کہ پیشے کے اعتبار سے استاد بتایا جاتا ہے سکمز صورہ میں زخموں کی تاب نہ لاتے ہوئے چل بسا جبکہ اس کے والد کو شدید چوٹیں آئی ہیں جو زیر علاج ہیں۔
دریں اثناء پولیس نے نوٹس لیتے ہوئے تفتیش شروع کر دی ہے۔
