امت نیوز ڈیسک //
سری نگر،: ڈائریکٹوریٹ آف سکول ایجوکیشن کشمیر نے تیسری ، چھٹی اور نویں جماعت کے امتحانات کو دوبارہ شیڈول کرنے کا اعلان کیا ہے اور اب یہ امتحانات 4 دسمبر کے بجائے9 دسمبر کو منعقد ہوں گے۔
ایک سرکاری ہینڈ آئوٹ میں کہا گیا: ‘تمام متعلقین کو مطلع کیا جاتا ہے کہ وزارت تعلیم حکومت ہند کے پارکھ مرکز نے پورے ملک میں تیسری، چھٹی اور نویں جماعتوں کے لیے راشٹریہ سرویکشن 2024 (سابقہ این اے ایس) کو 4 دسمبر 2024 کو شیڈول کیا ہے’۔
انہوں نے کہا: ‘لہذا تیسری، چھٹی اور نویں جماعتوں کے لیے ای وی ایس/سائنس کے مضمون کا امتحان جو پہلے 4 دسمبر کو ہونا تھا، دوبارہ شیڈول کیا گیا ہے اور اب 9 دسمبر 2024 کو منعقد کیا جائے گا’۔
