امت نیوز ڈیسک //
سری نگر، 23 جنوری: وزیر اعلیٰ عمر عبداللہ نے جمعرات کو کہا کہ راجوری کے بڈھال گاؤں میں پراسرار اموات کی تحقیقات جاری ہیں اور حکومت کو جلد ہی جواب مل جائے گا۔
میڈیا نمائندوں سے بات کرتے ہوئے عمر عبداللہ نے نیوز ایجنسی – کشمیر نیوز آبزرور (کے این او) کے مطابق کہا کہ ابھی تک انہیں پتہ چلا ہے کہ یہ کوئی وائرس یا بیکٹیریا نہیں ہے۔ انہوں نے کہا کہ میڈیکل ٹیم، ایس آئی ٹی اور ایم ایچ اے کی زیر قیادت بین وزارتی ٹیمیں اموات کے پیچھے وجوہات کا پتہ لگا رہی ہیں اور انہیں جلد ہی جواب مل جائیں گے۔
بڈھال گاؤں میں "پراسرار بیماری” کے باعث 17 افراد ہلاک ہو چکے ہیں، جب کہ تین بہن بھائیوں سمیت چار زیر علاج ہیں۔
